Office 365 de Microsoft é un servizo de subscrición baseado na nube que xunta varias ferramentas (suite) ofimáticas que permiten desenvolver os traballos habituais de oficina dentro dun marco de colaboración entre varias persoas e grupos. As ferramentas principais que inclúe son as seguintes: correo e tarefas, almacenamento e xestión de ficheiros, ferramentas ofimáticas (textos, cálculo, presentacións), caderno de notas, sitios web para compartir información, comunicacións para a colaboración, redes sociais, deseño e bases de datos.
A maioría das aplicacións Office 365 están accesibles tanto en escritorio (offline) como a través de dispositivos móbiles conectados a internet (online).
Existen varios plans de prezos, tanto para os negocios (Essentials, Premium, Empresa), como para o público xeral e tamén para o ámbito educativo (estudantes, profesorado, centros).
Funcionalidades
-
Aplicacións ofimáticas de procesador de texto (Word), folla de cálculo (Excel) e presentacións (Powerpoint), tanto en versión de escritorio, como para web e para dispositivos móbiles.
-
Aplicación de xestión de bases de datos (Access) só en versión para PC.
-
Aplicacións de deseño gráfico (Publisher) só en versión para PC.
-
Aplicación de xestión de información persoal de correos electrónicos, calendarios, tarefas, reunións e avisos (Outlook).
-
Aplicacións de comunicación e traballo en equipo con videoconferencias, chats de conversacións en liña e compartición da información, planeamento de programacións e tarefas diarias, e xestión de citas (Teams).
-
Creación de sitios web en internet e intranet para traballar en equipo compartindo información, contidos e arquivos (SharePoint).
-
Xestión de arquivos con almacenamento na nube, compartición, permisos de acceso, seguridade, sincronización e historial de versións (OneDrive).
-
Ferramenta de redes sociais para conectarse e interactuar en toda a organización, para informarse, estar ao día, publicar, preguntar, responder, mencionar, avaliar, sondar e conversar (Yammer).
-
Seguridade para protección dos accesos malintencionados (Exchange Protection), control de accesos e permisos, e xestión de contrasinais.
-
Soporte técnico.
Vantaxes
-
Integración
-
Actualización permanente
-
Acceso por dispositivos móbiles
-
Versións de escritorio e web
-
Edición de documentos colaborativa en tempo real
-
Formatos estándar
-
Seguridade integrada
-
Redes sociais
Desvantaxes
-
É a suite dominante do mercado.
-
É unha aplicación propietaria e os formatos son propietarios.
-
Pechada a terceiros.
-
As aplicacións teñen moitas funcións, máis alá das necesidades dun usuario medio.
-
É un servizo de alugueiro, polo que hai un pago permanente.
-
Os plans/versións destacadas teñen un prezo alto.
Outras ferramentas similares
GSuite, Zoho Office, OnlyOffice, Collabora Online, WPS Office e LibreOffice, iWork for iCloud.
Ligazóns de interese
