Marca persoal e identidade dixital. Incidencia sobre o emprego

Obradoiros / Seminarios de formación
Descrición:

Aforo completo
 
A contorna dixital debuxa un escenario para a actividade económica caracterizado polo valor diferencial do coñecemento, do talento, que non é outra cousa que o coñecemento en acción. Neste escenario dixital e global as persoas precisan amosar o seu saber facer para o seu desenvolvemento profesional. As organizacións necesitan resultar atractivas para atraer e reter o talento que marca diferenzas estratéxicas e competitivas.
 

Para asistir presencialmente a esta actividade acceda ao seu Espazo Empresa e Profesionais.

PROGRAMA:

  • Marca persoal e identidade dixital.
  • O inicio da identidade profesional na rede: o papel do correo electrónico.
  • Ferramentas para o posicionamento profesional na rede.
  • O Employer Branding como estratexia competitiva: o papel da diversidade nun mundo global co coñecemento no centro da actividade económica.

COLABORA:

Concello de Vigo

IMPARTE:

D. Xosé Alberte Cea
Xose Alberte Cea Rodríguez leva vinte anos traballando no mercado laboral sempre relacionado coa formación, o desenvolvemento profesional, a promoción de eventos e, en xeral, con todo o que refire ás persoas e ás  organizacións. Ten traballado como técnico en distintos proxectos de investigación sobre estes temas, exerce como orientador laboral e conta con experiencias como titor, formador, relator, promotor de eventos de networking e impulsor de proxectos de emprendemento. Desde a difusión das TIC e a popularización de internet, unha gran parte do seu traballo está centrada no impacto que estes cambios están producindo no mercado laboral.
 
Nos últimos anos a súa habitual actividade de orientación profesional vese acompañada de relatorios e de participacións en seminarios, xornadas e eventos. As súas intervencións céntranse nos cambios no mercado de traballo, nos procesos de busca de emprego, nos procesos de selección de persoas e no desenvolvemento profesional na sociedade dixital. Moi interesado no novo escenario do mercado de traballo que debuxa a economía dixital, trata de contribuír á súa difusión sempre que ten oportunidade.

Esta sesión poderá ser seguida por Videoconferencia a través das aulas da Rede CeMIT situadas en:

Para inscribirse a esta actividade acceda ao seu Espazo Usuario

Tamén che pode interesar

Reacciona-TIC, axudas para a dixitalización empresarial e a industria 4.0

Igape e a Amtega poñen en marcha un programa de axudas cuxo obxectivo é a mellora da competitividade das empresas a través de sete servizos TIC: Diagnose da aplicación de solucións dixitais, Aplicación de solucións en mobilidade, Aplicación de solucións dixitais para a mellora da xestión, Estratexias de marketing dixital, Diagnose das capacidades e aplicacións das solucións Industria 4.0, Posta en marcha de solucións Industria 4.0 e Xeración de modelos e simulación industrial. Ver máis

Boletín dixital