CDTIC Virtual: Aplicacións na nube

FacturaScripts
FacturaScripts é un software de planificación de recursos empresariais (EPR) e de administración da relación cos clientes (CRM) open source, licenciado baixo a LGPL, pensado para as PEMES, autónomos ou asociacións.
 
FacturaScripts ten a capacidade de, segundo estamos a crear unha factura ou albarán, engadir clientes ao noso listín, productos no noso catálogo e mesmo xerar asentos contables. Prezos de custe e de venta son tamén calculados no momento sen que o usuario se teña que preocupar. Ten tamén a capacidade de xerar presupostos que posteriormente se poden convertir en pedidos, albaráns e/ou facturas.
 
Entre as características mais salientables:
  • Xestión de clientes
  • Creación de facturas e albaráns
  • Catálogo de produtos
  • Presupostos
  • Xeración automáticas de asentos contables
Accesible
 
Debido a que é accesible mediante unha web, as usuarias terán acceso aos datos, así como plena capacidade de xestión dende calquera dispositivo con acceso a Internet e un navegador web.
 
Catálogo de plugins e actualizacións
 
A comunidade arredor de FacturaScripts é moi activa. Isto tradúcese en actualizacións e melloras case constantes, así como tamén nun grande catálogo de plugins que melloran e amplían as capacidades do núcleo principal do software. Servizos, remesas bancarias, automoción, veterinaria, conectores con outros software de compra e venda como PrestaShop ou WooCommerce, etc.

Tamén che pode interesar

Reacciona-TIC, axudas para a dixitalización empresarial e a industria 4.0

Igape e a Amtega poñen en marcha un programa de axudas cuxo obxectivo é a mellora da competitividade das empresas a través de sete servizos TIC: Diagnose da aplicación de solucións dixitais, Aplicación de solucións en mobilidade, Aplicación de solucións dixitais para a mellora da xestión, Estratexias de marketing dixital, Diagnose das capacidades e aplicacións das solucións Industria 4.0, Posta en marcha de solucións Industria 4.0 e Xeración de modelos e simulación industrial. Ver máis

Boletín dixital